80 naaresto sa ikinasang anti-criminality operations sa Tarlac sa nakalipas na isang linggo

Umabot sa 80 ang naaresto sa isang linggong anti-criminality operations na ikinasa sa lalawigan ng Tarlac.

Ayon kay Tarlac Police Director Col. Erwin Sanque, isinagawa ang mga operasyon mula Jan. 16 hanggang Jan. 22.

Kabilang sa mga naaresto ang 27 katao na pawang may kinakaharap na warrant of arrest sa iba’t ibang krimen kabilang ang rape, robbery at attempted homicide.

Mayroon ding 15 naaresto sa mga ikinasang anti-illegal drugs operations.

Habang may 16 na nadakip dahil sa ilegal na pagsusugal.

Tiniyak ng Tarlac police na magpapatuloy ang kampanya laban sa krimen sa lalawigan. (DDC)