Tatlong Green Sea Turtles na na-stranded sa Tibiao, Antique, naibalik sa karagatan
Tatlong Green Sea Turtles na na-stranded sa Tibiao, Antique ang nailigtas at ibinalik sa karagatan.
Sa pagtutulungan ng DENR-
CENRO Culasi sa Antique, at mga tauhan ng Maritime Police Station (MARPSTA), sinuri muna ang mga pawikan para matiyak na sila ay nasa maayos na kondisyon.
Sa isinagawang assessment, may nakitang barnacles sa katawan ng tatlong pawikan na maingat na inialis ng mga otoridad.
Sinukat din isa-isa ang mga pawikan bago pakawalan sa tubig.
Dalawa sa kanila ay nilagyan ng tag habang ang isa ay hindi muna nilagyan ng palatandaan dahil hindi pa umabot sa 45 cm ang sukat nito. (DDC)
