Magnitude 4.2 at magnitude 4.6 na lindol magkasunod na tumama sa Davao Occidental
Dalawang may kalakasang pagyanig ang naitala sa Davao Occidental ngayong umaga ng Miyerkules, Jan. 25.
Unang naitala ng Phivolcs ang magnitude 4.2 na lindol sa 336 kilometers southeast ng Balut Island, Sarangani, 4:12 ng madaling araw.
Makalipas ang ilang minuto o ganap na 4:18 ng madaling araw ay tumama naman ang magnitude 4.6 na lindol sa 289 kilometers east ng Balut Island, Sarangani.
Kapwa tectonic ang origin ng dalawang pagyanig at bahagi ng aftershocks matapos ang naitalang magnitude 7 na pagyanig na naitala noong Jan. 18, 2023 sa Davao Occidental. (DDC)
