Pinoy kabilang sa nasawi sa mass shooting sa California
Isang Pinoy na kabilang sa mga nasawi sa naganap na pamamaril sa Monterey Park sa California noong pagdiriwang ng Chinese New Year.
Ayon sa Philippine Consulate General sa Los Angeles, nakilala itong si Valentino Alvero, 68 anyos na citizen na sa Amerika.
Tiniyak naman ng konsulada na tutulungan ang pamilya ng biktima sa anumang pangangailangan nito.
Kaugnay nito ay nagpaabot ng pakikiramay ang konsulada sa pamilya ng mga nasawi sa insidente.
Nanawagan din ito sa Filipino community sa Los Angeles na maging maingat at mapagmatyag. (DDC)
