Bentahan ng SIM card bumaba; scammers huminto na sa pagbili ng SIM card simula nang ipatupad ang SIM Registration Law
Bumaba ang bentahan ng SIM card simula nang ipatupad ang SIM Card Registration Law aon sa Department of Information and Communications Technology (DICT.)
Ayon kay DICT Sec. Ivan John Uy, bago kasi ipatupad ang batas maraming scammers ang bumibili ng SIM card na kanila ring itatapon agad matapos makapanloko.
Dahil alam na aniya ng mga scammer na hindi na nila magagamit ang mga SIM card sa panloloko ay bumaba na ang bentahan nito.
Sinabi ni Uy na inaasahan naman na ito ng pamahalaan.
Wala namang datos ang DICT kung nakaapekto ba ito sa kita ng mga telecommunication companies.
Bumaba din ang bilang ng naitatalang spam text messages simula nang ipatupad ang batas. (DDC)
