Health and wellness programs para sa mga kawani ng OWWA, ilulunsad

Binigyang-pansin ni Overseas Workers Welfare Administration (OWWA) Administrator Arnell Ignacio ang pisikal at mental na kapakanan ng mga kawani ng OWWA.

Sa ginanap na pulong balitaan,kinumusta rin ni Admin Ignacio ang mga kaibigang mamamahayag.

Inilahad ng OWWA chief na pangungunahan ni OWWA Deputy Administrator Atty. Honey Quiño ang paglulunsad ng health & wellness programs upang matutukan ang kapakanan ng mga kawani para makapagbigay ng mas maayos na serbisyo sa mga kliyenteng overseas Filipino workers (OFWs).

Kaugnay nito ay inilunsad ng OWWA ang “O WOW! OWWA’s Way to Overall Wellness” sa OWWA Central Office sa pamamagitan ng isang Zumba session.

Parte ito ng physical & mental wellness program para sa mga kawani ng OWWA upang mas epektibo na makapagserbisyo sa ating mga OFWs.

Sa naturang pulong balitaan ay sinagot din ni Ignacio ang ilang mga katanungan ng media tungkol sa mga POLO-OWWA shelter sa ibang bansa, sitwasyon ng ating mga kababayan sa Kuwait at mga usapin naman sa bansang Saudi Arabia. (Bhelle Gamboa)