Sarangani, Davao Occidental niyanig ng magnitude 6 na lindol

Tumama ang magnitude 6 na lindol sa lalawigan ng Davao Occidental.

Bahagi ito ng aftershocks na nararanasan sa lalawigan matapos ang pagtama ng magnitude 7 na lindol noong January 18, 2023.

Ayon sa Phivolcs, 10:13 ng umaga ng Martes (Jan. 24) nang maitala ang magnitude 6 na lindol sa 316 kilometers southeast ng Balut Island sa Sarangani.

108 kilometers ang lalim ng lindol at tectonic ang origin.

Bago ito ay nakapagtala na din ng magkakasunod na may kalakasang pagyanig sa Balut Island ngayong umaga.

Unang naitala ang magnitude 4.6 na lindol sa Balut Island ala 1:06 ng madaling araw.

Sinundan ito ng magnitude 5.2 na lindol sa 2:17 ng madaling araw.

May naitala ding magnitude 4.8 na lindol alas 9:30 ng umaga. (DDC)