Nasawi sa naranasang pag-ulan at pagbaha umakyat na sa 38 ayon sa NDRRMC

Umabot na sa 38 ang naitalang nasawi sa pag-ulan at pagbaha dulot ng Low Pressure Area at iba pang weather system gaya ng Shear Line at Amihan.

Ayon sa situational report ng National Disaster Risk Reduction ang Management Council (NDRRMC), nakapagtala din ng 12 sugatan at mayroon pang 5 na nawawala.

Ayon sa NDRRMC, umabot na sa mahigit 1.9 million na katao ang naapektuhan sa 14 rehiyon sa bansa.

Mayroon pang mahigit 88,000 na pansamantalang namamalagi sa mga evacuation center.

Nakapagbigay na ang pamahalaan ng mahigit P101 million na halaga ng tulong sa mga naapektuhang pamilya. (DDC)