Kaanak ng pinaslang na OFW sa Kuwait binisita ni DMW Sec. Ople

Binisita ni Department of Migrant Workers Secretary Susan Ople ang pamilya ng pinaslang na OFW na si Jullebee Ranara.

Nagpaabot ng pakikiramay si Ople sa pamilya ng biktima at nangakong mabibigyan ng hustisya ang sinapit nito.

Ang 35-anyos na OFW sa Kuwait ay iniulat na nasawi noong Linggo ng gabi.

Ayon sa ulat ng Kuwaiti media, nakita ang sunog na katawan ni Ranara sa disyerto.

Sa ngayong hinihintay pa ng DMW ang opisyal na report mula sa Kuwaiti authorities hinggil sa nangyari.

Masusi ring babantayan ng DMW ang magiging takbo ng imbestigasyon katuwang ang DFA. (DDC)