Chinese New Year Festival naging matagumpay

Naging matagumpay at mapayapa sa pangkalahatan ang isang linggong Chinese New Year Festival na idinaos sa Cagayan de Oro City.

Ayon kay City Administrator Atty. Roy Raagas, nagpahayag ng pasasalamat ang Cagayan de Oro Filipino-Chinese Community, sa pamumuno ni Greg Lao at ni Misamis Oriental Filipino-Chinese Chamber of Commerce Industry, Inc. (MOFCCCI) President Rosa Go Sa suporta ng City Government sa ilalim ng administrasyon ni Mayor Rolando “Klarex” Uy.

Kinilala naman ng alkalde ang Filipino-Chinese community, partikular ang mga mag-aaral ng Kong Hua School at Oro Christian Grace School na naghandog ng performance sa launching ng Chinese New Year Festival at Lighting of Chinese Lanterns event.

Gayundin ang mga nag-perform ng Lion Dance sa City Hall, Divisoria, Osmeña Street, at Cogon.

Ayon kay Raagas, sa susunod na taon ay plano ni Mayor Klarex ang mas malaking aktibidad para sa Chinese New Year Festival. (DDC)