Basic Education Report isasagawa ng DepEd

Nakatakdang isagawa ng Department of Education (DepEd) ang Basic Education Report (BER) 2023 sa Enero 30 upang ilahad ang mga kasalukuyang hamon at mga priyoridad na sektor ng ahensya.

Sa press briefing sinabi ni DepEd Spokesperson Atty. Michael Wesley T. Poa na si DepEd Secretary at Vice PResident Sara Duterte ang maghahatid ng BER 2023.

Sa nasabing ulat, ilalahat ang kasalukuyang estado ng edukasyon sa bansa at iisa-isahin sa publiko ang mga hamon sa basic education.

Sinabi ni Poa na matapos mailatag ang mga hamon at suliranin ay maglulunsad naman ang DepEd ng Education Agenda.

Bukod pa rito, ilulunsad ng DepEd ang panibagong call to action para sa lahat ng Pilipino na nakaangkla sa BER 2023. (DDC)