10 nasawi, marami pa ang sugatan sa pamamaril sa selebrasyon ng Chinese New Year sa LA

Sampung katao ang nasawi habang sugatan ang sampung iba pa sa insidente ng pamamaril sa kasagsagan ng selebrasyon ng Chinese Lunar New Year sa Los Angeles.

Patuloy na pinaghahanap ng pulisya ang suspek sa pamamaril sa Monterey Park.

Batay sa pagsasalarawan ng mga testigo, ang suspek ay pinaniniwalaang Asian man, na nasa edad 30 hanggang 50.

Inilabas na din ng LA County Sheriff’s Department ang larawan ng suspek na kuha mula sa surveillance camera sa lugar.

Nagpaabot naman ng pakikiramay sa mga naulila ng mga biktima pamunuan ng Monterey Park. (DDC)