“Ugnayan bilang isang pamilya, komunidad at bansa” sentro ng Chinese New Year message ni Pangulong Marcos
Binati ni Pangulong Ferdinand Marcos Jr. ang sambayanan sa paggunita ng Chinese New Year.
Sa kaniyang mensahe, binanggit ng pangulo na dahil sa mga ganitong selebrasyon, nabibigyang-pansin ang ugnayan bilang isang pamilya, komunidad at isang bansa.
Paalala din aniya ito ng pagkakaroon ng mayabong na kultura at kasaysayan sa bansa.
Ayon sa pangulo, nawa ang selebrasyong ito ay hindi lang magsilbing paalala sa mga biyayang natatanggap ng bawat isa.
Bagkus ay dapat maging inspirasyon din upang tumulong sa mga higit na nangangailangan. (DDC)
