Klase sa Legazpi City, Albay suspendido dahil sa sama ng panahon
Suspendido ang klase sa Legazpi City, Albay ngayong Biyernes (Jan. 20) dahil sa sama ng panahon.
Sa inilabas na abiso ng City Disaster and Climate Change Resilience Council, suspendido ang klase sa lahat ng antas, public at private.
Sa inilabas kasing abiso ng PAGASA makararanas ng mahina hanggang katamtaman at kung minsan ay malakas na buhos ng ulan sa Albay buong araw.
Inabisuhan din ni Legazpi City Mayor Gie Rosal ang lahat ng Barangay DRRM Committees, task units, at City Emergency Operations Center na manatiling nakaalerto. (DDC)
