Anak ni Sen. Bato Dela Rosa, 6 na iba pa nailigtas sa Samal Island

Nailigtas ng mga tauhan ng PNP-Maritime Group ang anak na babae ni Senator Bato Dela Rosa kasama ang anim na iba matapos ma-stranded sa karagatang sakop ng Davao del Norte

Nagsagawa ng rescue operations ang Maritime Group Regional Maritime Unit 11 nang makatanggap ng tawag sa telepono na mayroong chartered boat na nagkaproblema sa Samal Island.

Agad nagpadala ng tauhan ang Maritime Group sakay ng High Speed Tactical Watercraft No. 01 para sa rescue operations.

Matagumpay namang nailikas si Macky Dela Rosa at kaniyang mga kasama.

Ang chartered boat ay lulan ang grupo ni Dela Rosa na nagsagawa ng island hopping sa Island Garden City of Samal.

Gayunman, nagkaroon ito ng problema sa makina. (DDC)