2 arestado sa baril at granada sa Las Piñas City
Inaresto ng otoridad ang dalawang lalaki makaraang makumpiskahan umano ng baril at granada sa ikinasang buy-bust operation sa harapan ng fastfood chain sa Las Piñas City.
Kinilala ang mga suspek na sina Roel Andrade y Paraiso, 41, at Arturo Kalim y Borres, 43.
Dakong alas-9:00 ng gabi ng Enero 18 nagsagawa ng buy-bust operation ang mga tauhan ng Southern Police District (SPD) Intelligence Division sa harapan ng McDonalds,Samata Village, Brgy. Talon Singko sa lungsod na ikinaaresto ng dalawang suspek at narekober ang isang rifle grenade, caliber 38 pistol na may SN 880974 at apat na bala ng naturang baril.
Nasa kustodiya ng Las Piñas City Police ang mga suspek at nakatakdang sampahan ng kasong paglabag sa RA 10591 at RA 9516. (Bhelle Gamboa)
