P1.067 na halaga ng shabu nakumpiska sa drug den sa Cebu City; 6 ang arestado

Naaresto ang anim na suspek habang nailigtas ang apat na menor de edad sa magkakahiwalay na operasyon na ikinasa sa mga den sa Cebu City.

Ang operasyon ay ikinasa ng mga tauhan ng PDEA Regional Office VII na nagsagawa ng apat na magkakahiwalay na buy bust operations sa Barangay Pasil at Barangay Suba, Cebu City.

Umabot sa mahigit P1,067,600 na halaga ng shabu ang nakumpiska sa dalawang drug den.

Naaresto sa magkakahiwalay na operasyon ang sumusunod na mga suspek:

– Jurie Abayo Abaño
– Rodelia B. De Aquino
– Maria Loreto Odango
– Maria Cristina Sacramento
– Ronald Gonzaga Maano and – Jesus Bisin Arapol Jr.

Nakatakas naman ang drug den maintainer na si Clifford Gonzales.

Ang mga ebidensyang nakumpiska sa suspek ay isinumite sa PDEA Region 7 laboratory para sa chemical analysis. (DDC)