Mahigit 300 scholars sa Cagayan de Oro City tatanggap ng libreng Pocket WiFi
Tatanggap ng libreng Pocket WiFi ang mahigit 300 scholars sa Cagayan de Oro City.
Kasunod ito ng paglagda ni Cagayan de Oro City Mayor Rolando “Klarex” Uy sa Memorandum of Understanding (MOU) sa Smart Communications para sa pamamahagi ng libreng Smart Bro Pocket WiFi.
Ayon sa CDO City Information Office, kabuuang 345 City scholars ang makatatanggap ng Pocket WiFi.
Makatutulong ito para mas mapadali ang access ng mga mag-aaral sa internet para sa kanilang online classes, assignments at iba pang school activities. (DDC)
