Magnitude 6.2 na lindol tumama sa Sumatra, Indonesia

Nakapagtala ng magnitude 6.2 na lindol sa Indonesia.

Ayon sa US Geological Survey (USGS) ang sentro ng lindol ay naitala sa Sumatra Island.

Pinawi naman ng Meteorology, Climatology and Geophysics Agency ng Indonesia ang pangamba na magdudulot ng tsunami ang nasabing pagyanig.

Sinabi rin ng disaster agency ng Indonesia na wala namang napaulat na nasaktan o malawak na pinsala dahil sa lindol.

Gayunman nagdulot ito ng panic sa maraming residente dahil ang pagyanig ay naramdaman sa apat na distrito ng Aceh at North Sumatra Province na tumagal ng 3 hanggang 10 segundo. (DDC)