31 nasawi sa pananalasa ng Typhoon Odette

Umakyat na sa 31 ang bilang ng naitalang nasawi dahil sa pananalasa ng Typhoon Odette.

Sa datos ng National Disaster Risk Reduction and Management Council (NDRRMC), maliban sa mga nasawi mayroon pang isang nawawala at tatlo ang sugatan.

Ayon sa NDRRMC, mayroon pang 427,903 na katao ang nananatili sa mga evacuation center.

Habang mahigit 60,000 naman ang pansamantalang nakikituloy sa kaanak.

Sa kabuuan ayon sa NDRRMC, umabot sa 181,500 na pamilya o 706,634 na katao ang naapektuhan ng bagyong Odette. (DDC)