309 na Pinoy mula Ukraine ligtas na sa panganib

Umabot na sa 309 na Pinoy ang nailikas mula sa Ukraine ayon sa Department of Foreign Affairs (DFA).

Sa datos ng DFA, 150 Pinoy mula sa Ukraine ang nakauwi na sa Pilipinas.

Mayroon pang 23 ang paparating na rin sa bansa.

Habang 159 na Pinoy ang inilikas sa ibang mga lugar gaya ng Romania, Moldova, Hungary, Austria at Poland.

Ayon kay DFA Undersecretary for Migrant Workers’ Affairs Sarah Lou Arriola, Huwebes (Mar. 10) ng gabi dumating sa bansa ang mga seafarers mula sa MV Key Knight, MV Star Helena at MV Pavlina.

Ang nasabing mga seafarers ay unang inilikas sa Moldova, bago dinala sa Romania kung saan sila ikinuha ng flight pauwi ng bansa. (DDC)