17 nasawi sa naranasang pag-ulan at pagbaha ayon sa NDRRMC

Umabot na sa 17 ang naitalang nasawi sa pag-lan at pagbaha dulot ng Low Pressure Area at iba pang weather system nitong nagdaang mga araw.

Ayon sa situational report ng National Disaster Risk Reduction ang Management Council (NDRRMC), nakapagtala din ng 7 sugatan at mayroon pang 2 na nawawala.

Ayon sa NDRRMC, umabot na sa mahigit 523,000 na katao ang naapektuhan sa 13 rehiyon sa bansa.

Mayroon pang mahigit 70,000 na pansamantalang namamalagi sa mga evacuation center.

Nakapagbigay na ang pamahalaan ng P30.9 million na halaga ng tulong sa mga naapektuhang pamilya. (DDC)