Temperatura sa Baguio City bumagsak sa 13.4 degrees Celsius

Bumagsak sa 13.4 degrees Celsius ang temperatura na naitala sa Baguio City, Huwebes (Jan. 12) ng umaga.

Ayon sa datos mula sa PAGASA, 4:40 ng umaga naitala ang nasabing temperatura sa Baguio City.

Noong Miyerkules (Jan. 11) ng umaga nakapagtala din ng malamig na 13.7 degrees Celsius sa lungsod ng Baguio.

Samantala, ang iba pang mga lugar na nakapagtala ng malamig na temperatura araw ng Martes ay ang mga sumusunod:

Malaybalay, Bukidnon – 19 degrees Celsius
Tanay, Rizal – 19.4 degrees Celsius
Laoag City, Ilocos Norte – 19.7 degress Celsius
Basco, Batanes – 19.8 degrees Celsius
Tuguegarao City, Cagayan – 20.4 degrees Celsius
Abucay, Bataan – 20.8 degrees Celsius (DDC)