WALANGPASOK: Klase sa Bacolod City sinuspinde dahil sa sama ng panahon

Suspendido muli ang klase ngayong araw ng Huwebes (Jan. 12) sa Bacolod City.

Sa inilabas na abiso ng Bacolod City Public Information Office, walang pasok sa elementarya at high school sa lungsod dahil sa nararanasang sama ng panahon.

Noong Miyerkules (Jan. 11), sinuspinde din ang klase sa lungsod dahil sa hindi magandandang lagay ng panahon.

Sa pinakahuling abiso ng PAGASA, as of 8:00AM ng Huwebes ay nakataas ang Yellow Rainfall Warning sa central at northern portion ng Negros Occidental.

Nagbabala ang PAGASA na maaaring makaranas ng pagbaha at landslides dahil sa nararanasang patuloy na pag-ulan. (DDC)