112 volcanic earthquakes naitala sa Bulkang Taal
Nakapagtala ang Phivolcs ng 112 na volcanic earthquake sa Bulkang Taal sa nakalipas na 24 na oras.
Ayon sa Phivolcs, tumagal ng 2 hanggang 5 minuto ang mga naranasang volcanic tremors.
Mayroon ding naitalang mahinang pagsingaw mula sa crater ng bulkan na umabot sa 600 metro ang taas.
Nananatiling nasa Alert Level 1 ang Mt. Taal.
Sa ilalim ng Alert Level 1 ay bawal ang pagpasok sa Taal Volcano Island lalo na sa Main Crater o sa Daang Kastila fissures. (DDC)
