3,127 na bagong kaso ng COVID-19 naitala ng DOH sa nakalipas na isang linggo
Nakapagtala ng 3,127 na bagong kaso ng COVID-19 sa bansa sa nakalipas na isang linggo o mula Jan. 2 hanggang Jan. 8, 2023.
Ang datos ayon sa Department of Health (DOH) ay 9 percent na mas mababa kumpara sa naitalang mga bagong kaso noong mula Dec. 26 hanggang Jan. 1.
Ayon sa DOH, sa 3,127 na bagong mga kaso, 7 lamang ang severe at critical cases.
Habang nakapagtala naman ng 79 dagdag na nasawi.
Samantala, iniulat din ng DOH na mayroon nang 73,791,107 na fully vaccinated individuals.
Umabot naman na sa 21,194,144 ang nakatanggap ng booster shots. (DDC)
