MMDA nakiisa sa selebrasyon ng Pista ng Itim na Nazareno

Nakiisa ang Metropolitan Manila Development Authority (MMDA) sa pagtataguyod ng kaayusan, kaligtasan, at kalinisan sa pagdiriwang ng Pista ng Itim na Nazareno ngayong araw.

Unang nagdeploy ang MMDA ng kanyang mga tauhan sa mga kritikal na lugar sa lungsod ng Maynila bilang pakikibahagi ng ahensya sa selebrasyon.

Partikular na dineploy ng ahensya ang mga
traffic personnel, sidewalk clearing operations group, road emergency team, at street sweepers nito.

Nabatid na sa kapistahan ng Itim na Nazareno ay sinimulan ng pagdaraos ng isang misa sa Quirino Grandstand na dinaluhan ng maraming deboto.

Agad namang nilinis ng mga street sweepers ang mga naiwang kalat at basura sa lugar upang mapanatiling malinis ang kapaligiran. (Bhelle Gamboa)