100 tauhan ng Coast Guard Malacañang tumulong sa pagbibigay seguridad sa Nazareno 2023

Magpapatuloy hanggang araw ng Lunes, Jan. 9 ang pagpapatrulya ng mga tauhan ng Philippine Coast Guard (PCG) para matiyak ang kaligtasan at seguridad ng mga deboto sa mga pagdiriwang kaugnay ng Nazareno 2023.

Araw ng Linggo, Jan. 8 at humigit-kumulang 100 Coast Guard Malacañang personnel ang idineploy sa mga kritikal na lugar at katubigan sa Maynila.

Binubuo ito ng mga Special Operations Group, K9 Unit, Surface Patrol Team, Coast Guard Medical Team, at Area Security Group.

Nag-dispatch din ng walong floating asset tulad ng patrol boat, fast response boat, aluminum boat, at personal watercraft para sa mas mahigpit na maritime patrol operation. (DDC)