Paalala ni CDO City Mayor Klarex Uy sa mga deboto ng Black Nazarene, sumunod sa health protocols

Umapela si Cagayan De Oro City Mayor Klarex Uy sa mga deboto na sumunod sa ipinatutupad na COVID-19 protocols sa kanilang pagdalo sa Black Nazarene procession araw ng Lunes, Jan. 9.

Paalala ni Uy, kung mayroong nararanasang sintomas ay huwag na lamang sumama sa Traslacion at manatili na lamang sa kanilang bahay.

Sinabi ni Uy na nagkaroon siya ng pulong kamakailan kay Msgr. Perseus Cabunoc, vicar general ng Archdiocese of Cagayan De Oro para talakayin ang mga ipatutupad na seguridad sa Black Nazarene procession.

Nagpasalamat si Uy kay Cabunoc sa suporta nito sa layunin ng pamahalaang lungsod na matiyak ang seguridad at kaligtasan ng mga deboto.

Maliban sa prusisyon ay magkakaroon din ng misa sa St. Augustine Metropolitan Cathedral at vigil. (DDC)