DILG Sec. Abalos nakipagkita sa pamilya ng pinaslang na negosyante sa Davao City
Siniguro ni Department of the Interior and Local Government (DILG) Sec. Benhur Abalos Jr. sa pamilya ng pinaslang na negosyante sa Davao City na hahabulin ng pulisya ang mga nasa likod ng krimen.
Personal na nakipagkita si Abalos sa pamilya ng biktimang si Yvonette Plaza sa Davao City Police Office headquarters.
Si Plaza ay binaril ng riding in tandem sa harap ng inuupahang bahay sa Tugbok District noong Dec. 29, 2022.
Batay sa kuya ng CCTV sa lugar dalawang armadong lalaki ang nasa likod ng krimen, isa sa kanila ang bumaril sa biktima sa ulo.
Bumuo na ng Task Group na tututok sa kaso ayon kay Abalos.
Una nang inanunsyo din ng “Special Investigation Task Group (SITG) Yvonette” ang paglalaan ng P1 million na reward sa sinumang makapagbibigay ng impormasyon sa kinaroroonan ng mga suspek. (DDC)
