Halos P8M halaga ng pulang sibuyas at carrots nakumpiska sa Maynila
Nakumpiska ng mga otoridad ang isang container van na naglalaman ng “undeclared agricultural products” sa Manila International Container Terminal o MICP.
Sa isinagawang inspeksyon, natuklasan sa loob ng container van ang kahun-kahong pulang sibuyas at carrots na nagkakahalaga ng P7,860,300.
Inirekomenda ang paghahain ng Warrant of Seizure and Detention (WSD) sa naturang shipment dahil sa paglabag sa Customs Modernization and Tariff Act (CMTA).
Sa ngayon, nananatili sa kustodiya ng Bureau of Customs (BOC) ang container van. (DDC)
