Mga apektado ng water interruption sa Las Piñas, patuloy na inaayudahan ng CENRO

Nagpapatuloy ang ginagawang pagtulong ng Las Piñas City Government sa mga residenteng apektado ng water interruption o nakararanas ng kawalan ng supply ng tubig sa ilang lugar sa lungsod.

Sa pangangasiwa ng City Environment and Natural Resources Office (CENRO) ay patuloy ang paghahatid ng malinis na tubig sa mga naapektuhang residente.

Kabilang sa kanilang siniserbisyuhan ang mga naninirahan sa Chico Street, Golden Acres Subdivision, Barangay Talon Uno at Caimito St., Brgy. Talon Singko.

Bahagi ito sa programang tuloy na serbisyo ng Las Piñas LGU upang tugunan ang kapakanan ng mamamayan nito.

Para sa ganitong serbisyo, maaaring makipag-ugnayan sa CENRO sa pamamagitan ng @CENRO Las Piñas o tumawag sa kanilang Hotline +632 8800 3191. (Bhelle Gamboa)