Mt. Kabunian sa Bukan, Benguet muling bubuksan sa publiko

Muling bubuksan sa publiko ang Mt. Kabunian sa Poblacion, Bakun, Benguet simula sa Jan. 7, 2023.

Batay sa Executive Order No. 49 – 2022 na nilagdaan ni Bakun Mayor Bill Raymundo, ang pagbubukas ng tourist site ay makatutulong upang muling mapasigla ang ekonomiya ng bayan na labis na naapektuhan ng COVID-19 pandemic.

Sa isinagawang joint assessment ng municipal at barangay LGUs, puwede nang payagan ang pagsasagawa ng hiking at camping activities sa Mt. Kabunian.

Gayunman, may mga ipatutupad na panuntunan upang masiguro na masusunod ang mga minimum public health standards at safety protocols.

Sa mga nais na mamasyal sa nasabing destinasyon, kailangan nilang makipag-ugnayan sa Bakun Municipal Tourism Council Facebook Page o sa pamamagitan ng numberong 0938-092-5115 o 0966-264-1458, tatlong araw bago ang takdang araw ng kanilang pagbisita. (DDC)