4,000 katao bumisita sa male dormitory ng Cebu City Jail noong Pasko at Bagong Taon

Naging mapayapa ang Pasko art Bagong Taon sa male dormitory ng Cebu City Jail.

Sa datos, umabot sa 4,000 ang mga bumisita sa male dormitory para magdiwang ng Pasko at Bagong Taon kasama ang mga mahal nila sa buhay.

Ayon kay Jail Officer 3 (JO3) Blanche Bation, information officer ng male dormitory, kabuuang 4,207 ang pinayagan na makapasok sa pasilidad.

Sa nasabing bilang, 2,151 ang bumisita noong December 21 hanggang 27 para sa Christmas special visitation.

Habang 2,056 naman ang bumisita sa pasilidad noong December 28, 2022 hanggang January 1, 2023.

Ang regular visitation sa bilangguan ay mula 1pm hanggang 5pm, Martes hanggang Sabado.

Pero para sa holiday celebrations, pinapayagan ang pagbisita mula 9AM hanggang 5PM. (DDC)