Mag-asawa mula Ozamiz City na miyembro ng Parojinog Drug Group naaresto ng PNP

Inaresto ng mga tauhan ng PNP Drug Enforcement Group (PDEG) ang mag-asawang drug personality na tubong Ozamiz City.

Kinilala ni PDEG director, PBGEN. Narciso Domingo ang mag-asawang suspek na sina Artemio Salas at Daisy Salas na kapwa mula sa Ozamiz City.

Nadakip ang dalawa sa ikinasang operasyon sa Provident Village sa Marikina City.

Ang pag-aresto ay sa bisa ng warrant of arrest na inisyu ng korte sa Ozamiz City sa kasong paglabag sa RA 10591, paglabag sa RA 9516 at kasong Robbery.

Ayon sa PDEG ang dalawa ay kapwa miyembro ng Kuratong Baleleng/Parojinog Drug Group/Dragon Francisco Group.

Nakatakdang dalhin sa Ozamiz City ang dalawa para maiharap sa korte. (DDC)