3 arestado sa pagbebenta ng bawal na paputok sa Muntinlupa
Arestado ang tatlong lalaki dahil sa pagbebenta ng ipinagbabawal na paputok sa Muntinlupa City.
Nakumpiska ng mga tauhan ng Muntinlupa City Police sa tatlong suspek ang mga paputok gaya ng sawa, plapla, whistle bomb at iba’t ibang klase ng fountain.
Mayroon ding 34 na katao na nahuli dahil sa paglabag sa ordinansa na nagbabawal sa paggamit ng open muffler.
Paalala ni Muntinlupa City Mayor Ruffy Biazon, gawing ligtas ang pagsalubong sa Bagong Taon.
Ang paglabag sa City Ordinance No. 14-092 na nagbabawal sa pagbebenta at paggamit ng paputok at City Ordinance No. 04-22 na nagbabawal sa paggamit ng open muffler ay may kaukulang multa na P1,000 hanggang P5,000. (DDC)
