Liblib na mga barangay sa Cagayan De Oro City pinagkalooban ng bagong service vehicles

Nakatanggap ng bagong service vehicles ang pitong liblib na mga barangay sa Cagayan Oro City.

Ang pagbili ng mga bagong sasakyan ay pinondohan ng CDO Government ng P11 million.

Ipinamahagi ni CDO Mayor Rolando Uy ang mga bagong sasakyan sa mga barangay ng Tignapoloan, Tagpangi, Taglimao, Besigan, Pagalungan, Tuburan, at Tumpagon.

Ayon kay Uy, dahil naging kapitan siya ng barangay batid niya ang hirap kapag mayroon mga emergency at walang sasakyan.

Inalala pa ni Uy ang pagkasawi noon ng isang residente sa Barangay Carmen na hindi agad nabigyan ng atensyong medikal dahil walang naka-standby na rescue vehicles.

Ang mga bagong sasakyan ay gagamitin sa disaster response at pagbibigay ng emergency services sa mga residente. (DDC)