Nasawi sa pag-ulan at pagbaha dulot ng Shear Line umakyat na sa 32
Umakyat na sa 32 ang bilang ng mga nasawi sa naranasang pag-ulan at pagbaha dulot ng Shear Line noong Kapaskuhan.
Sa inilabas na situational report ng National Disaster Risk Reduction and Management Council (NDRRMC), nakapagtala din ng 11 nasugatan at mayroon pang 24 na nawawala.
Umabot naman na sa mahigit 124,000 ang bilang ng mga naapektuhang pamilya o katumbas ng mahigit 486,000 na katao mula sa 10 rehiyon sa bansa.
Nakapagtala din ng mahigit 4,000 mga bahay na napinsala dulot ng pagbaha. (DDC)
