Pasok sa Cagayan De Oro City Hall bukas, Dec. 29 idineklarang half-day

Nagdeklara ng half-day work suspension si Cagayan de Oro City Mayor Klarex Uy para sa mga empleyado ng City Hall bukas, Dec. 29.

Sa nilagdaang Memorandum ng alkalde, hanggang alas 12:00 ng tanghali lamang ang pasok sa City Hall bukas.

Ito ay para mabigyang pagkakataon ang kanilang mga empleyado na makapaghanda sa pagdiriwang ng Bagong Taon kasama ang kanilang mga mahal sa buhay.

Wala ring pasok sa City Hall sa December 30 na isa namang regular holiday.

Hindi naman pasok ng half-day suspension ang mga empleyado ng mga departamento na ang trabaho ay may kaugnayan sa basic health services, pagresponde sa emergency o kalamidad at iba pang essential service. (DDC)