LRT-2 may handog na libreng sakay sa Dec. 30, Rizal Day

Libre ang sakay sa mga tren ng LRT-2 sa Dec. 30, 2022, Rizal Day.

Sa abiso ng pamunuan ng Light Rail Transit Authority (LRTA) ang libreng sakay ay mula 7:00 AM hanggang 9:00 AM, at mula 5:00 PM hanggang 7:00 PM.

Aalis ang unang tren sa Recto at Antipolo Stations ng 5:00 AM habang ang huling tren naman sa Antipolo Station ay aalis ng 9:00 PM at 9:30 PM sa Recto Station.

Ayon sa LRTA, ang Libreng Sakay ay bilang pakikiisa sa mga Pilipino sa paggunita at pag-alala sa kabayanihan ni Gat Jose Rizal.

Pinaalalahanan naman ng LRTA ang mga pasahero na sumunod pa rin sa health, safety at security protocols para makaiwas sa COVID-19. (DDC)