Mahigit P200K na halaga ng shabu nakumpiska sa barko sa Zamboanga City

Nakumpiska ng mga tauhan ng Philippine Coast Guard (PCG) ang ilegal na droga lulan ng isang barko sa karagatang sakop ng Zamboanga City.

Ayon sa PCG, isinailalim sa inspeksyon ang barko matapos makatanggap ng intelligence report.

Nakita ng mga otoridad ang isang kahina-hinalang package na may lamang 30 gramo ng hinihinalang shabu na aabot sa
P204,000 ang halaga.

Ayon sa PCG, “unattended” o hindi tukoy kung sino ang may-ari ng nasabing package.

Nasa Philippine Drug Enforcement Agency (PDEA) Region 9 na ang nasabing ilegal na droga para sa isasagawang karampatang imbestigasyon. (DDC)