Pasig City LGU iniutos ang pagpapasara sa lahat ng online gambling establishments sa lungsod

Iniutos ng Pasig City Government ang pagpapasara sa lahat ng online gambling establishments sa lungsod.

Sa ipinasang City Ordinance No. 55 Series of 2022, binigyan lamang ng isang taon ang lahat ng online gambling establishments sa lungsod upang ihinto ang kanilang operasyon.

Ibinahagi ni Pasig City Mayor Vico Sotto ang kopya ng naturang resolusyon sa kaniyang official Twitter account.

Ang mga bagong kahalintulad na establisyimento kabilang ang mga Philippine Offshore Gaming Operators (POGOs) ay hindi na bibigyan ng permit.

Sakop ng kautusan ang mga online casino, e-games, online sabong, e-bingo outlets, online poker, at computer gaming stations. (DDC)