5,690 na bagong kaso ng COVID-19 naitala ng DOH sa nakalipas na isang linggo

Nakapagtala ng 5,690 na bagong kaso ng COVID-19 sa bansa sa nakalipas na isang linggo o mula Dec. 19 hanggang Dec. 25.

Ang datos ayon sa Department of Health (DOH) ay 25 percent na mas mababa kumpara sa naitalang mga bagong kaso noong mula Dec. 12 hanggang Dec. 18.

Ayon sa DOH, sa 5,690 na bagong mga kaso, 3 lamang ang severe at critical cases.

Habang nakapagtala naman ng 172 dagdag na nasawi.

Samantala, iniulat din ng DOH na mayroon nang 73,756,732 na fully vaccinated individuals.

Umabot naman na sa 21,145,843 ang nakatanggap ng booster shots. (DDC)