Mga mall sa Metro Manila pinayagang makabalik sa kanilang normal operating hours
Pinayagan na ang mga mall sa Metro Manila na bumalik sa kanilang normal operating hours.
Ayon kay Metropolitan Manila Development Authority (MMDA) Acting Chairman Atty. Romando Artes base sa kanilang obserbasyon ay may paggaan naman na sa sitwasyon ng traffic sa Metro Manila sa kabila ng mataas pa ring holiday activities ng publiko.
Ayon kay Artes simula ngayong araw, Dec. 23 ay puwede na ulit magbukas ng 9:00AM ang mga mall para mabigyan na din ng tsansa ang publiko na nais pang makahabol sa pamimili.
Magugunitang simula noong Nov 14 ay ginawang 11:00AM to 11:00PM ang operasyon ng mga mall sa NCR. (DDC)
