Dating Pangulong Duterte namahagi ng regalo sa mga batang may cancer

Namahagi ng regalo si dating Pangulong Rodrigo Duterte sa mga batang may cancer na nasa Southern Philippines Medical Center-Children Cancer Institute (SPMC-CCI) at sa House of Hope sa Davao City.

Bahagi ito ng personal advocacy at matagal nang tradisyon ng dating pangulo.

Namahagi ang dating pangulo ng mga laruan at cash sa 32 mga bata na naka-admit sa SPMC-CCI at 20 bata na nasa House of Hope.

Nag-pledge din si dating Pangulong Duterte ng P3 million na magmumula sa kaniyang pensyon at ibibigay niya sa House of Hope para makatulong sa kanilang operasyon.

Kasama ng dating pangulo sa naturang aktibidad si Senator Christopher Lawrence Go. (DDC)