Coast Guard Training Center itatayo sa Laoag City

Nakatakdang magtayo ng Regional Training Center ang Philippine Coast Guard (PCG) sa Laoag City, Ilocos Norte.

Ito ay matapos ang paglagda sa Deed of Usufruct sa pagitan ng PCG District Northwestern Luzon at Laoag City Government.

Sa naturang seremonya, inihayag ni Laoag City Mayor Michael Marcos Keon ang kanyang pagsuporta sa konstruksyon ng PCG Regional Training Center sa 2.5 ektaryang lupa sa Barangay 32-B Lapaz.

Ayon kay PCG District Northwestern Luzon Commander, CG Commodore Philipps Soria, pagtatayuan din ito ng Coast Guard Sub-Station Laoag.

Sa pamamagitan nito sinabi ni Soria na makalilikha ng mas marami pang competitive Coast Guardians.

Makatutulong aniya ang presensya ng Coast Guard sa Ilocos Norte para sa maritime safety at maritime security, at mas mapaigting ang tourism industry. (DDC)