Mahigit 4,000 public teachers sa Las Piñas nagtipun-tipon sa taunang Teacher’s Party

Masayang ipinagdiwang ng mahigit 4,000 na guro mula sa pampublikong paaralan sa Las Piñas ang kanilang taunang Teacher’s Party sa Verdant Acres Covered Court, Barangay Pamplona Tres sa nasabing lungsod.

Ang mga guro ng United Association of Public School Teachers of Las Piñas ay labis na nalugod nang makasama sa kanilang pagdiriwang si Vice Mayor April Aguilar.

Layunin ng okasyon na pag-ibayuhin ang diwa ng samahan sa Department of Education ng Las Piñas City.

Bilang pagkilala at pagbibigay-pugay din ito sa mga guro na nagsilbing mga modelo sa pagpapamalas nang hindi matatawarang dedikasyon sa pagpapabuti sa kapakanan ng mga kabataang Las Piñeros.

Nagpasalamat sina Mayor Mel Aguilar at Vice Mayor April sa lahat ng tulong at suporta ng mga dakilang guro ng lungsod para sa paghubog ng kaalaman ng mga estudyante at ihanda sila sa pagharap sa kanilang magandang kinabukasan. (Bhelle Gamboa)