3 pulis-Maynila arestado sa kasong pagpatay sa isang Korean National
Inaresto ng mga tauhan ng Valenzuela City POlice at Northern Police District – Special Investigation Task Group (SITG) ang tatlong pulis-Maynila kaugnay sa umano ay pagkakasangkot sa pagpatay sa isang Korean National.
Ang biktimang nakilalang si Sunuk Nam, 55 anyos ay natagpuang walang buhay sa isang bakanteng lote sa Maysan, Valenzuela noong February 15, 2021.
Sa ikinasang hot pursuit operation, inaresto ang tatlong Pulis-Maynila na naka-assign sa Rocas Boulevard PCP.
Kinilala silang sina P/Cpl. Darwin Castillo, P/SSg. Carl Legazpi at P/Cpl. Samruss Inoc.
Kinumpiska din ang kalibre 45 baril na nakatago sa bahay ni Inoc sa kaniyang bahay sa Paranaque City.
Kinuha din para gamiting ebidensya ang kulay pulang Honda Civic na pag-aari ni Legazpi.
Nakatakdang sampahan ng reklamong murder sa piskalya ngayong araw si Castillo, habang mananatili ring nakadetine sa Valenzuela City Police Station sina Legazpi at Inoc na posibleng gawing testigo laban kay Castillo.
