LRT-2 magpapatupad ng shortened operations sa Dec. 24 at Dec. 31

Magpapatupad ng mas maikling operating hours ang Light Rail Transit Authority (LRTA) sa LRT-2 sa bisperas ng Pasko Dec. 24 at sa bisperas ng Bagong Taon, Dec. 31.

Sa inilabas na abiso ng LRTA, ang huling tren galing Recto ay aalis ng 8:00PM at 8:30PM naman ang last trip sa Antipolo sa Dec. 24.

Sa Dec. 31 naman, 7:00PM ang last trip galing Recto at 7:30PM ang huling biyahe kung galing ng Antipolo.

Ang mas maiksing operating hours ay dahil na rin sa inaasahang mas mababang bilang ng mga pasahero sa mga naturang petsa.

Layunin din nito na mabigyan ng pagkakataon ang mga frontline personnel ng LRT-2 na makapagdiwang kasama ang kani-kanilang pamilya ngayong holiday season .

Ipatutupad naman ang normal operating hours sa sa LRT-2 sa Dec. 25, Christmas Day; Dec. 30, Rizal Day at sa Jan. 1 New Year’s Day.

Patuloy rin na ipatutupad ng LRTA ang “No Inspection, No Entry” Policy sa mga dalang gamit ng lahat ng pasahero lalo na sa gift-wrapped items. (DDC)