Residente ng Barangays Lower Bicutan at Hagonoy nakatanggap na ng Pamaskong Handog packages
Tuwang-tuwa ang mga residente ng mga Barangay Lower Bicutan at Hagonoy nang tanggapin nila ang kanilang Pamaskong Handog packages mula sa Taguig City Government para sa ika-limang araw nang pamamahagi.
Gumamit pa ang Taguig LGU ng eco-friendly containers upang hikayatin ang mga Taguigueños na gamitin itong muli at iresiklo.
Personal na pinangunahan nina Mayor Lani Cayetano, Vice Mayor Arvin Ian Alit at mga konsehal ang pag-aabot ng goods na naglalaman ng groceries sa mga residente.
Habang bahay-bahay naman ang pamamahagi ng packages para sa senior citizens, persons with disabilities, at mga buntis.
Bakas ang ngiti at saya sa mukha ng mga residente habang tinatanggap ang handog na regalo mula sa lokal na pamahalaan ngayong Kapaskuhan. (Bhelle Gamboa)
